Вторник, 18.06.2019, 02:30
Приветствую Вас Гость | RSS
Форма входа
Детсад сонуннара
Поиск
Календарь
«  Апрель 2017  »
ПнВтСрЧтПтСбВс
     12
3456789
10111213141516
17181920212223
24252627282930
Наш опрос
Оцените мой сайт
Всего ответов: 1
Статистика

Онлайн всего: 1
Гостей: 1
Пользователей: 0

МБДОУ-ЦРР-д/с "Колокольчик" с. Дикимдя

Главная » 2017 » Апрель » 3 » Сонуннар
16:27
Сонуннар

Оҕолорбут ситиһиилэрэ – барыбыт киэн туттуубут!

Хас биирдии төрөппүккэ, иитээччи оҕолорбут ситиһиилэрэ үрдүк үөрүү, киэн туттуу буолар. Ааспыт сылга “Алаас оҕолоро” бөлөх иитиллээччилэрэ (салайааччы Нь.С. Егорова) Сэмэн Данилов остуоруйа - хоһооннорунан “Уоттаах чыычаах” диэн оскуола иннинээҕи саастаах оҕолорго өрөспүүбүлүкэтээҕи виртуальнай киинэ куоҥкуруска Гран – прини ылан үөрбүппүт – көппүппүт. Быйыл “Алаас оҕолоро” бөлөх иитиллээччилэрэ (салайааччы Нь.С. Егорова) кулун тутар ыйга II өрөспүбүлүкэнскэй “Уоттаах чыычаах” күрэҕэр Сэмэн Петрович Данилов “Баҕа аттаммыта” диэн хоһоонунан киинэ устан иккис сылларын Гран –при үрдүк аатын сүктүлэр. “Уоттааах чыычаах” өрөспүбүлүкэнскэй куоҥкуруска уопсайа 29 видео киинэ хамыһыйа дьүүллүн ааспыт.

Иитээччи, Нюргустана Семеновна дириҥ хоторуулаах үлэтин түмүгүнэн бу наҕараадаҕа тигистилэр. Оҕолорбут, иитээччибит, төрөппүттэр уонна олохтоох музей – галерея дириэктэрэ Егоров Артур Николаевич сыралаах үлэлэрин түмүгэ сыаналаммытынан үөрэбит.

 

“Колокольчик” оҕону сайыннарар киин кулун тутар 17 күнүгэр биир дойдулаахпыт, саха норуотун духуобунай сайдыытыгар үгүс үтүөнү оҥорбут, өлбөт – сүппэт кылаатын киллэрбит саха народнай поэта, биллиилээх общественнай деятель Семен Петрович Данилов төрөөбүтэ 100 сааһын көрсө оскуола иннинээҕи саастаах тэрилтэлэрин иитиллээччилэригэр, исписиэлиистэригэр анаан кэтэхтэн өрөспүбүлүкээнскэй интернет – биктэриинэ куоҥкуруһун тэрийэн ыыттыбыт. Күрэхтэһиибит аныгы үйэ технологиятынан электроннай сибээс нөҥүө барда. Күрэхпит сүрүн сыалынан Саха народнай поэта Сэмэн Данилов аатын үйэтитии, сүдү талааныгар сүгүрүйүү, поэт олоҕун, суруйан хаалларбыт хоһооннорун, үлэлэрин билиилэрин – көрүүлэрин холонон көрүү, чинчиттэрии диэн соруктаах тэрийдибит.

Күрэххэ өрөспүүбүлүкэ 6 улууһа кыттыыны ылла, ол иһигэр 13 оскуола иннинээҕи саастаах үөрэх тэрилтэлэриттэн уопсайа 35 педагог кытынна. Дьокуускай куораттан 104 нүөмэрдээх “Ладушка” детсад, Орто – Халыматтан “Чэчир” детсад, Үөһээ – Бүлүүттэн “Кустук” оҕону сайыннарыы киинэ, Ньурба куоратыттан 10 нүөмэрдээх “Малышок” детсад, Ньурба Маарыттан “Күнчээн” детсад, Хорулаттан “Туллукчаана” детсад, Горнайтан “Сардаана”, “Кырачаан ымыы” оҕону сайыннарар кииннэр, 6 нүөмэрдээх “Олоҥхо кэскилэ”, “Крепыш” детсадтар, Өртөн “Ромашка” оҕо тэрилтэлэрин педагогтара кытыннылар.

Күрэх түмүгүнэн III миэстэни Сидорова Варвара Прокопьевна “Сардаана” оҕону сайыннарыы киинин иитээччитэ ылла (Бэрдьигэстээх нэһилиэгэ), II миэстэни Наумова Туйара Михайловна “Олоҥхо кэскилэ” детсад иитээччитэ (Бэрдьигэстээх нэһилиэгэ), I миэстэни Латышева Майа Петровна “Ромашка” детсад иитээччитэ (Өрт нэһилиэгэ) ылары ситистилэр.

Дьүүллээн, ырытан көрдөххө түмүк быһаарарынан улууспут иитээччилэрэ С.П.Данилов олорон ааспыт дьоһуннаах олоҕун, суруйан хаалларбыт айымньыларын, хоһооннорун билиилэрэ үрдүк эбит диэн сыаналаатыбыт.

Кулун тутар 16 күнүгэр “Кырачаан ымыы” оҕону сайыннарар киин тэрээһининэн “Мин чинчийээччибин” диэн оскуолаҕа киириэн иннинээҕи саастаах оҕолорго улуустааҕы дакылаат ааҕыыта буолан ааста. Манна бэлэмнэнии бөлөх иитиллээччитэ Карпов Айаан “Бизон” диэн дакылаатынан кыттыыны ылла (салайааччы Н.А.Егорова).

Кулун тутар 18 күнүгэр М.С.Егоров аатынан сынньалаҥ киинигэр “Танцует Горный” күрэххэ “Кэскил” бөлөх иитиллээччилэрэ кыттыыны ылан кэллилэр (салайааччы Р.Н.Данилова, Н.А.Егорова).

Саҥа үүммүт 2017 сыл Российскай Федерацияҕа экология уонна ураты харыстанар сирдэр сылларынан биллэриллибитэ. Экология сылын уһуйааҥҥа тэрээһиннээхтик ыытарга былаан оҥоһуллан үлэ хамнас бара турар. Кулун тутар ыйга “Мин айылҕам кэрэтэ” диэн оҕо айылҕа кэрэ көстүүтүгэр түспүт хаартыскатын күрэҕэ ыытылынна. Хаартыска күрэҕэр 26 үлэ киирдэ. төрөппүт комитетын дьүүлүнэн III миэстэни Сидорова Лилияна, II миэстэни Петров Саша, I миэстэни Егоров Сайаан ылары ситистилэр, ону таһынан анал ааттар иҥэрилиннилэр:

  • “Айыл5ам дьикти көстүүтэ” – Егорова Антонина

  • “Аһын, таптаа кэрэни” – Кириллина Валя

  • “Дойдум быйаҥа” –Жанна, Стас Зайцевтар

Кулун тутар 28 күнүгэр улуустаа5ы “Воспитатель года – 2017” күрэх буолан ааста. Күрэххэ уопсайа 10 иитээччи кыттыыны ыллылар. Биьиги детсадтан Егорова Ньургустаана Семеновна үрдүк ситиһиилээхтик кыттан “Мастер своего дела” диэн анал аакка тигистэ.

Бу ситиһиилэринэн кынаттанан, оҕо сайдарын туһугар өссө таһаарыылаах, айымньылаах үлэбитин салҕыыбыт.

Просмотров: 168 | Добавил: Tuyara0403 | Рейтинг: 0.0/0
Всего комментариев: 0
Имя *:
Email *:
Код *: